Gorputz eszenikoa: inprobisaziotik sorkuntzara

2026ko azaroaren 19, osteguna
Nola sortzen da ideia bat? Eta nola bihurtu dezakegu material eszeniko? Ikastaro honetan gorputza izango dugu sorkuntzarako abiapuntu eta tresna. Inprobisazioa landuko dugu, irudiak, musikak, hitzak edo egoerak abiapuntu hartuta, jolastu, esploratu eta esperimentatzeko.

Horretarako, partiturak, idazketa automatikoa eta bestelako sorkuntza-baliabideak erabiliko ditugu. Helburua irudimena piztea, gorputzaren adierazpen-aukerak arakatzea eta sortzen den materialari forma ematea izango da, pixkanaka pieza eszeniko txikiak eraikitzeko.

Irakasleak

Iraia Elias Muniain

Aktorea, sortzailea eta zuzendaria. Buenos Airesko Cabuia eskolan trebatu zen, Jacques Lecoq-en pedagogian oinarritutako prestakuntzan. Ttak teatroaren sortzailea da, eta Metrokoadroka eta Kamikaz kolektiboetako kidea. Ibilbide zabala du antzerkigintzan, zuzendaritzan eta ikus-entzunezkoetan. Bere azken lanen artean Bi baso bat ur, Renata eta Hiru kortse, azukre asko eta brandy gehiegi daude. Zineman eta telebistan ere parte hartu du, besteak beste, Amama, Hondar ahoak eta Intimidad lanetan.

Amancay Gaztañaga Sagarzazu

Aktorea, antzerkigilea, zuzendaria, idazlea eta musikaria. Madrilgo RESADen interpretazioan lizentziatua, Kamikaz kolektiboaren sortzaileetako bat da. Renata, Matriuska eta Hiru kortse, azukre asko eta brandy gehiegi lanetan parte hartu du. Atzerrian lurra garratz antzezlana idatzi eta zuzendu du Ander Lipusekin batera. Lau liburu argitaratu ditu, eta ikus-entzunezkoen arloan ere jardun du, besteak beste, Piztiak telesailaren gidoilari eta zuzendarikide gisa.

 

Informazio praktikoa

 

  • Lekua: El Punto Gunea, Aizoain

  • Datak eta ordutegia: abenduak 6tik- 8ra, goizeko 10:00etatik, 14:00etara

  • Izen-emateko formularioa hemen bete: https://forms.gle/PegzB7QzP6jsXfDf9

  • Ekarpena: 100 euro

Sorkuntzan murgiltzeko, esperimentatzeko eta norberaren lengoaia eszenikoa esploratzeko aukera.

Zalantzarik baduzu idatzi: elpuntogunea@gmail.com helbidera

 

ANTOLATZAILEAK: 

  

Gorputz eszenikoa: inprobisaziotik sorkuntzara

Zerrendara itzuli

Logos