El Punto Guneak Nafarroako artista gazteei zuzendutako deialdia ireki du Festival Z 2026an parte hartzeko. Jaialdia Gironan egingo da 2026ko uztailaren 8tik 11ra.

Ekimen hau El Punto Guneak sustatutako artista gazteentzako mugikortasun eta laguntza programa baten fase esperimentalaren barruan kokatzen da. Programaren helburua arte eszenikoen arloan erreferentziazko testuinguru profesionaletara sarbidea erraztea da. Esperientzia pilotu honen bidez, Nafarroako bi artista hautatuko dira, sorkuntza garaikide gazteari eta eszena-praktika berriei eskainitako estatuko topagune nagusietako batean parte hartzeko aukera izan dezaten.

Lau egunez, hautatutako pertsonek ikuskizunak, aurkezpenak, topaketa profesionalak, prestakuntza-jarduerak eta hainbat lurraldetatik etorritako sortzaile, programatzaile, kultura-kudeatzaile eta sektoreko beste eragile batzuekin truke-guneak partekatu ahal izango dituzte.

Deialdiaren helburua da artista gazteei beren sektorearen ezagutza zabaltzeko, harreman-sare berriak sortzeko eta sorkuntza, ekoizpen eta erakusketa artistikorako eredu desberdinak bertatik bertara ezagutzeko aukera emango dieten testuinguru profesionaletara sarbidea erraztea.

Esperientzia hau proiektu pilotu gisa planteatzen da, sortzen ari diren artistei laguntzeko, mugikortasuna sustatzeko eta trukeak errazteko formula berriak aztertzeko, baita etorkizuneko edizioetan izan dezakeen eragina eta garapena ebaluatzeko ere.

Jaialdian parte hartu ondoren, hautatutako pertsonek beren esperientziak eta ikaskuntzak tokiko komunitate artistikoarekin partekatuko dituzte. Horrela, Nafarroako ekosistema kulturala indartzen lagunduko dute, ezagutzaren transferentzia sustatuko dute eta sortzaile gazteen arteko lotura berriak sortuko dituzte.

Nork parte hartu dezake?

• 18 eta 30 urte bitarteko pertsonek.
• Nafarroan bizi diren edo Nafarroako arte-sarearekin lotura egiaztagarria duten pertsonek.
• Arte eszenikoekin lotutako artistek, sortzaileek, interpreteek, ekoizleek, bitartekariek edo kudeatzaileek.

Zer jasotzen du deialdiak?

• Festival Z 2026an (Girona) parte hartzea.
• Jaialdiko jarduera profesionaletarako akreditazioa.
• Ikuskizunetarako sarrerak.
• Gran Boda Z ekitaldiko bazkaria.
• Joan-etorria eta ostatu-gastuak.
• El Punto Gunearen laguntza eta jarraipena esperientziaren aurretik, bitartean eta ondoren.

Deialdiaren oinarri osoak eta izena emateko formularioa jarraian kontsulta daitezke.

Oinarriak: Z festibaleko deialdia.pdf
Formularioa: https://forms.gle/SEiJUdJvQitiiG9m8

Eskaerak aurkezteko epea: ekainaren 22ra arte
Deialdiaren ebazpena: ekainaren 23an
Prestaketa-bilera: ekainaren 30etik uztailaren 3ra bitartean

El Punto Guneak lanean jarraitzen du Nafarroako sortzaile gazteek beste testuinguru batzuekin konektatzeko eta beren horizonte profesionalak zabaltzeko aukerak sortzen.

Festival Z jaialdiari buruzko informazio guztia: https://www.festivalz.org/es/edicion-2026