Benetako istorioetan inspiratutako hamahiru abestik osatzen dute diskoa, askotariko musika-estiloak uztartuz.
Iker Huitzi eta Joli Pascualena dira melodien eta harmonien egileak. Ikerrek musika-moldaketak egin ditu, eta Jolik abestien hitzak idatzi ditu. Hainbat musikari lagunek ere parte hartu dute grabazioan, Iruñeko Erviti Studio grabazio-estudioan, Josu Ervitiren eskutik. Erviti arduratu da instrumentuen eta ahotsen grabazioaz, nahasketaz eta masterizazioaz.
Aurkezpenean, diskoaren sormen- eta grabazio-prozesuaz hitz egingo dute, eta abestiren bat entzuteko aukera izango da.
Diskoa Eusko Jaurlaritzaren laguntzarekin egin da.
